Funktion Funkaufklärer u. waffenlos

Salü zämo, ich ha hitto miesso losu und bi leider fellig enttischt wordu. Lüt Sport- und kognitive Tests hengi alles chänno macho wohni hengi wello.
Leider hani siit einiger Ziit aber Medikament verschriibo, mit däno ich numo waffulos cha diehno. Fer minu Wunschfunktione Aufklärer oder Einheitssanitäter hets also nit glängt.

Ich ha also es paar Frage zer RS als Funkaufklärer und zum waffuloso Dienst.

Was genau lehrt mu als Funkaufklärer? Die Sache, wo ufum Functionfinder sind, hani logischerwiis scho gseh. Aber lehrt mu zum Biispiel no der Morsecode? Und was fer spezifischi Mittel zer Analysation / Störung vo Funksignal wärdo ich no lehro?

Wie isch der waffuloso Dienst? Was macho ich in der Ziit, während andri ihrusch Waffa brüchunt? Wird mer langwiilig cho?

Und no biz allgmeiner: Derziit bini im letschto Jahr vom Kollegium, äs gseht aber ehner schlächt üs und ich bstah diz Jahr appa nit. Ich wellti aber glii negschte Summer ins Militär und de nah der RS wieder ind Schüel ihstiigo. Isch die RS als Funkaufklärer ohni Matura und numo mit normalum Schüelabschluss meglich oder müessi zerscht dMatura im Sack ha, um ind RS zgah?

Danke fer die Antworte!