Stellensuche während der RS

[ag07]

Hallo zusammen

Im Sommer werde ich die RS einrucken währenddessen mein Lehrvertrag bis ende Juli auslaufen wird. Nun kann mir mein Lehrbetrieb keine Weiterbeschäftigung bieten.
Mein Dilemma ist, dass ich nun nicht weiss wie und ob ich eine neue Stelle suchen soll.
Mein Ziel ist es, den WM zu machen und allenfalls nachher noch weiter - das ist aber nicht garantiert, je nach dem ob sie mich wollen oder nicht. Das würde sicherlich
kein Betrieb mitmachen wenn ich eine Militärische Karriere anschlage...

Nun, wie sieht es mit der Flexibilität der Armee bei Stellensuche während der RS aus? Kann ich für Vorstellungsgespräche etc. Zeit erhalten oder nicht.
Was empfiehlt ihr mir in dieser Situation? Soll ich mich auf November bewerben oder soll ich warten bis ich in der RS bin ob ich weiter machen kann oder nicht und dann schauen?

LG

 

[Operator Hülsesack]

Du chasch genau für söttigi Fäll Urlaub beahträge und de wirsch mit an fast Sicherheit grenzender Wahrschinlichkeit au becho. Umso besser natürlich wenn wiitermache willsch denn strengsch dich au no chli ah das e guete Ihdruck machsch und denn wird der din Zfhr de Urlaub sicher au genehmige respektiv zemme mit em Kadi. Wegem Ziitliche würdi zuerst mal echli abwarte...Ich bin mit em Motto in d RS ich bin offe zum wiitermache aber ned meh. Es isch guet wenn es Ziel hesch, aber gib dir au mal chli Ziit. Ich han Kamerade gha die sind mit de Einstellung in d Rs das sie wend Lt werde und sind Soldate bliibe während anderi de grösste Ahschiss gha hend denn doch us Freud wiiter gmacht hend. Min Advice wär phalt s Ziel vom Wm sicher mal vor Auge aber gang in d RS und lueg vorzue. Schlussendlich het jede Tag gnueg Sache wo mer sich drüber Sorge mache chan. Wenn denn merksch hey ich will nöd wiitermache (was relativ schnell merke wirsch) denn fang dich ahvo bewerbe denn hesch öppis zum dich druf freue mit de neue Stelle. Wenn denn de Wm machsch bewirbsch dich halt erst uf de Summer. Bitte aber mach dir würkli nöd z viel Sorge wege so Sache d Armee isch in minere Erfahrig was so Sache ahgaht sehr koulant will sie ja au es intresse dra hend das du dich im Zivle Lebe wiiter entwicklisch und die Fähigkeite zrugg in d Armee bringsch.

 

[ag07]

Danke vel mal für die Tipps, nihme mir die sicher zherze...
Allgemein, wie reagiert d Bruefswelt uf en RS? Gsähnd sii das als öbis guets oder isches halt würklich "kei erfahrig" und het dur das wenig Chance en Job zbecho?

 

[Operator Hülsesack]

Das isch en unfassbar schwierige Frage wo mer I mine Auge einfach nöd pauschal chan beantworte. Da spiele so unfassbar viele Faktore drin ine...es chunt mega drufah vo wo chunsch und was willsch nacher mache. Bi de Polizei zB chans e Vorteil si oder isch es oftmals gern gseh wenn Militär und wiiter gmacht hesch...in andere Branche wird es halt weniger gseh. Schlussendlich denk aber dra es git d Wehrpflicht jetzt ab 2026 sit öppis über 150 Jahr in de Schwiiz...de meiste Arbeitgeber isch bewusst das mer das einfach mache muess will au de Zivi natürlich immer es Hinderniss isch für de Arbeitgeber au wenn mer dete besser plane chan. Ich chan dir leider kein abschlüssendi Antwort geh...und es git sicher Fäll wo s Militär es Hinderniss gsi isch bi de Jobsuechi da het sich ja de ehemalige CdA au no dezue güsseret. Das es aber in de Mehrheit vo de Fäll nacher zu Konflikt füehrt han ich einfach so ned erlebt und wenns so wär hätte de Bund mit de Arbeitgeber sicher scho lang zemme e Lösig gfunde.