Infanterie WK's und Bataillon

[sandzaklija]

Sali zäme

Ich und ein paar RS-Kameraden haben vor Kurzem die INF RS abgeschlossen.

Nun haben wir die ersten Bataillons-/Kompanieeinteilungen erhalten. Ich wurde z. B. der Geb Inf Kp 91/1 zugeteilt, während Kollegen bei der Geb Inf Kp 91/3, Inf Kp 56/3 oder Inf Kp 97/1 eingeteilt wurden.

Jetzt stellen sich für mich ein paar Fragen:

• Nach welchen Kriterien wird man eingeteilt?
• Was genau ist der Unterschied zwischen Gebirgsinfanterie und normaler Infanterie?
• Gibt es erfahrungsgemäss Vor- oder Nachteile bzw. was gilt als „besser“?
• Und wenn man die gleiche Einteilung hat: Ist man dann automatisch zusammen im WK?

Vielleicht kann mir das jemand etwas grundlegend erklären.

Vielen Dank und Gruess
Sandzaklija

 

[Operator Hülsesack]

- Normalerwiis wirsch nach Wohnort ihteilt das muess aber mittlerweile nix meh heisse. Die Infanterie Batallion sind jeweils enere Ter Div untergeordnet wo übersimplifiziert gseit zueständig wäre für de Bereich vom Land wenns zum Ernstfall chömti.
- Es git so wiit ich weiss kein Unterschied meh...will de Gebirgsinfanterist scho länger abgschafft isch.
- Was meinsch mit Vor und Nachteil oder was gilt als besser ?
- Wenn ihr im gliiche Batallion sind hend er meistens zemme Wk (e Usnahme sind da amigs d Ustü Kompanien) wenn ihr in de gliiche Kompanie sind denn sicher.

 

[sandzaklija]

- Normalerwiis wirsch nach Wohnort ihteilt das muess aber mittlerweile nix meh heisse. Die Infanterie Batallion sind jeweils enere Ter Div untergeordnet wo übersimplifiziert gseit zueständig wäre für de Bereich vom Land wenns zum Ernstfall chömti.
- Es git so wiit ich weiss kein Unterschied meh...will de Gebirgsinfanterist scho länger abgschafft isch.
- Was meinsch mit Vor und Nachteil oder was gilt als besser ?
- Wenn ihr im gliiche Batallion sind hend er meistens zemme Wk (e Usnahme sind da amigs d Ustü Kompanien) wenn ihr in de gliiche Kompanie sind denn sicher.

Merci dir fürs erkläre.
Mit Vor und Nachteil hani eher gmeint, ob es besseri und schlechteri Bataillone git. Das uf WK's, Ihsätz, Ortschaft etc bezoge. Evtl möched die einti geili Üebige im WK während die andere irgendwelchi Wachihsätz hend.

Han scho paar mal ghört das lüüt behauptet, ihres Bataillon wär s'beste. Vlt isch das aber au sones Egoding wie bide Züg oder Kompanie ide RS

 

[Operator Hülsesack]

Echli batallionsstolz ghört natürlich immer dezue gell...das isch ja in de RS genau gliich dete sege au alli ihres Bat isch s beste...natürlich sicher gits objektiv betrachtet besseri und schlechteri Batallion...aber das liegt an de Mensche. Was d Übungen und so ahgaht...es chunt mega drufah wie s Batallion ihgsetzt wird und wie viel Mühe sich d Offizier gebe zum cooli Übungen mache...aber ebe au das e Sach vo de Lüüt.

Ortschafte klar gits bessere und weniger gueti Plätz zum Übungen mache...aber au da liegt vieles an de Kader das sie s beste probiere drus z mache...und gell selbst wenn jetzt mal würkli e langweilige Wk hesch will iwie ans Wef muesch und gah Wach schiebe...oder d Schüssplätz mega schwierig sind zum coole Übungen mache....denn isch es halt so. Im nächste Wk bisch denn wieder wo anders und denn wirds hoffentlihc wieder cooler.

 

[Fragy]

Zum do no Ergänze:

- Geb Inf Bats si identisch zu reguläre Inf Bats midem einzig Unterschied as es Geb Inf Bat eh Alpin / Gebirgsoffizier im Bat Stab hed. Mehrheitlech bi Ter Div‘s wo halt geografisch im alpine Ruum si (Wallis, Graubünde etc.)

- Iteilig erfolgt grundsätzlech i erster Linie nachem Bedarf vo de Ter Divisione und di Wohnort etc. wird sekundär berücksichtigt. Meistens luege sie scho druf as wenn möglech i dr Ter Div iteilt wirsch vo dim Wohnkanton.

- Gid keni bessere oder schlechteri Bats ufem Papier. Glichs Prinzip wie Kp und Zug (Mi Zug / Mini Kp si besser aus die Angere) für Battallione. Am Endi vom Tag chunnts ufd Kaderqualität im Bat Stab und Kp Füehrig druf aa, und das isch immer chlei Glückssach. Technisch gseh hei aui Einheite / Verbänd ir gliche Funktion die glichi Usbildig und dört düre ir Theorie „glich guet“.

- Bezüglech Art vo Dienst varierts jede WK und isch rein abhängig vo was grad dr Bedarf isch. Bspw. leistet meh eh subsidiäre Isatz wenn eh Kanton es Gsuech stellt (WEF, Konferenze, Gipfel etc.) oder eh grössere Alass lauft im geografische Ruum vo dr entsprechende Ter Div. (Aktuells Beispiel: COLIBRI / G7 Gipfel in Evian).

Ansonste gids hie und dörte no grösseri Üebige wie z.B. CONEX 26 wo eh ganzi Ter Div glichzitig üebt oder vereinzelt midem KSK oder Heer, wo relativ speziell si.

Gids grad keh grossi Üebig oder Assistenzdienst für zivili Behörde, denne hedme eifach eh reguläre Ausbildigs- oder Schiess WK. Lange Rede, kurzer Sinn: Chunnt druf aa öbb i dere Zeit wo dr WK iplant isch ebbis lauft im geografische Ruum vo dr Ter Div oder nid (I de meiste Fäll).

- Die Sache gelte nume für Formatione i de Ter Divs. Bim Heer und DD Formatione bestimme angeri Faktore dr WK-Inhalt / Isatz (Heer üebt generell immer als grössere Verband ufgrund vo dr Brigadestruktur und immer wie meh au im Usland, derfür relativ selte im Assistenzdienst für Subsidiärisätz im Inland).

 

[Operator Hülsesack]

Geb Inf Bats si identisch zu reguläre Inf Bats midem einzig Unterschied as es Geb Inf Bat eh Alpin / Gebirgsoffizier im Bat Stab hed. Mehrheitlech bi Ter Div‘s wo halt geografisch im alpine Ruum si (Wallis, Graubünde etc.)

Das mit em Alpin Of isch aber nöd zwingend. Mis Bat zB het au eine und mir sind keis Geb Inf bat...drum hanis nöd ahgmerkt...aber ja du hesch recht das chan eine vo de Charakteristika si...merci für de Input und s andere.

 

[sandzaklija]

Merci viel mal eu beidne für die Infos.
Tönd spannend, glaube mit echli Glück chas doch brutal geili WK's gäh.
Cha mer im Bataillon selber d'Kompanie wechsle? Oder isch das ihteilte fix?